[MANDY]
Tahimik lang ako pagkauwi namin sa unit ko. Siguro dala na rin ng pagod at inis at kalungkutan. Nagbuntong-hininga na lang ako sa loob ng cr habang naglilinis ng katawan ko.
'Hanep ka talaga Mandy... Ano'ng klaseng mundo ba 'iyang pinasukan mo?'
Napapailing na lang ako habang pilit kong iwinawaksi ang mga eksena kanina doon sa Molave. Natuklasan kong isa pala itong lugar somewhere in Laguna, at pawang lahat ng mga nakatira doon ay katulad ni Dark. Hindi ko nga lang nalaman kung saan exactly sa Laguna ang Molave dahil wala namang sinasabi si Dark. At tsaka wala talaga siyang balak magsalita. Hindi nga ba't pinatulog niya pa ako papunta at pauwi mula doon para lang hindi ko malaman kung nasaan talaga sa mapa ng Pilipinas ang lugar na yun?
'Nakakaasar talaga ang lalaking yun! Baki
