[MANDY]
Nagising akong nakayakap sa akin si Dark. Tulog ito pero parang wala rin itong tulog sa mukha nito ngayon. Binantayan siguro ako nito buong magdamag.
Tumayo ako at nagbanyo, tapos nagbihis ako at tinawagan ko si Ashley. Nagpaalam ako sa kanya na hindi pa rin ako makakapasok ngayon. Naglinis ako ng katawan ko sa shower, at habang naliligo ako, hindi ko maiwasang ulit-ulitin ang nangyari kahapon. Yung paranoia ko sa nangyari sa hospital, 'yung pagtulong sa'kin ni Rodney, at iyong naging pagdududa sa akin ni Dark. Para akong sumakay ng rollercoaster dahil sa dami ng mga emosyong naramdaman ko.
Lumabas din ako ng unit ko para bumili ng pagkain. Tapos nagpadala ako ng pera sa pamilya ko. Kinumusta pa nga nina Deo at Dustin si Dark at sinabi ko na lang na busy ito. Pagbalik ko sa unit
