[MANDY]
Back to normal na ang buhay ko pagkabalik namin ni Dark ng Manila. Balik na rin ako sa work ko and in fairness, na-miss ko ang ospital. Na-miss din daw ako ng mga pasyente ko kaya natutuwa naman ako, lalo akong ginanahan na magtrabaho.
Hindi ko na rin masyadong inisip ang tungkol dun sa mga nangyari sa amin, lalo na 'yung tungkol sa muntik-muntikang pagkategi ni Dark. Kahit na napapaisip ako kung engkanto ba itong si Dark dahil sa clue na ibinigay niya sa'kin, pilit ko iyong iwinaksi sa isipan ko dahil ayoko namang aksidente kong mahulaan kung ano siya tapos aksidente ko ring masabi sa kanya iyon. Eh 'di natigok na nga talaga siya.
Pero alam ko rin na hindi basta-basta ibibigay ni Dark ang clue sa tunay niyang katauhan nang ganoon na lang. Naalala ko rin kasi ang sabi niya noon
