[MANDY]
Kinabukasan, agad-agad na nga akong nag-file ng indefinite leave. Gulat na gulat nga ang mga katrabaho ko, lalong-lao na ang mga ka-close ko, sa pangunguna siyempre ni Ashley. Ang sabi pa nga niya nagtatampo siya dahil hindi man lang daw siya nakapag-prepare mentally para sa pag-alis ko sa ospital. Alam ko na hindi niya ako tatantanan sa kakatanong kung bakit ako aalis sa trabaho ko dahil kilala niya naman ako. Alam niya na mahal na mahal ko ang pagiging nurse ko kahit na minsan ay ang toxic tapos mababa pang sweldo. Kaya sinabi ko na lang na magpapakasal na kasi kami ni Dark at kailangan ko munang huminto sa pagtatrabaho para maasikaso ko ang kasal namin.
Pero siyempre, dahil big news iyon ay naloka doon ang best friend ko. "Grabe kang babae ka! Hindi mo naman sinabi sa'kin na g
