[MANDY]
"Nakakaloka ka naman, Aldy!" reklamo ko sa kapatid ni Dark nang pagbintangan niya akong may masama raw akong balak sa Kuya Dark niya. "Mag-isip ka nga muna nang maayos, Aldy. Kung gusto ko talagang patayin ang Kuya mo, sana ginawa ko na noon pa!"
Masama pa rin ang tingin niya sa akin ngayon. Nandito kami sa kusina habang nagkakape ako tapos bigla niya akong sinugod dito. "Then explain kung bakit mo kilala ang batang Devial na yun, at kung bakit mo siya ipinagtanggol," sagot ni Aldy sa'kin na nagngingitngit sa galit. Hindi pa rin kasi siya maka-get over sa nangyari kaninang umaga sa park. Umuwi kami rito na ang talim ng tinging ipinupukol niya sa akin.
"Teka lang naman, Aldy," sabi ko habang inuubos ko ang kape ko. Pero mas lalo yata siyang nagagalit na mukhang hindi ako bothere
