ELEVEN
Quira
Sumayaw sa saliw ng malakas na hangin ang aking mahabang buhok. Malalim na ang gabi ngunit pinili kong mamalagi na muna sa lawa. Nakasawsaw sa malamig na tubig ang aking mga paa at paminsan-minsang kumakampay habang nakatingala ako sa malawak na kalangitan.
My eyes shut when I saw a falling star. Kasabay ng aking paghiling dito ay ang muling pag-ihip ng malakas na hangin. Hinayaan kong liparin nito ang aking buhok habang taimtim akong humihiling sa bituin.
Ilang sandali pa ay naramdaman ko ang pagdating ng pamilyar na bulto. Humalimuyak sa hangin ang kanyang pamilyar na amoy dahilan upang mapamulat ako.
Amelic sat beside me then dipped his feet on the water. Tinungga niya ang bote ng alak na kanyang hawak at nang lingunin ko siya ay binaba niya ito saka niya pinunasan ng
