Ilang araw muli ang lumipas mula ng manhyari ang ginawa naming kaguluhan sa auditorium. Dalawang araw na rin ang lumipas nang matapos ang suspension na binigay sa amin nina Tita Naomi at Tito Aidan.
Pero hindi ko alam kung napra-praning lang ako dahil minsan ay pakiramdam ko na may sumusunod o kaya may nagmamasid sa akin mula sa malayo. Wala naman nangyayari na kakaiba sa akin kaya iniisip ko na baka guni-guni ko na lamang ang mga iyon dahil na rin sa mga paulit-ulit na pagbilin sa akin nina mama na mag-ingat.
Ilang araw na rin naging iwas ang panibagong pagtrato sa akin ng mga estudyante. Kaya saanman ako magpunta ngayon sa akademya ay bigla na lang umuunti ang nakapaligid sa akin. Mga takot na takot sila na mapalapit o makaharap ako dahil sa pag-aakala na ako talaga ang panibagong dark
