Hindi mawala-wala ang malapad na ngiti na napakaskil sa aking labi habang patungo sa aking unang klase ngayong araw. Ramdam ko pa ang mga nagtatakang tingin sa akin na binibigay ng karamihan na aking makakasalubong ngunit kinibit balikat ko na lamang iyon.
Tuwing naaalala ko ang nangyari kahapon ay hindi ko maiwasang mapasuntok sa ere at gapangan ng kakaibang kilig sa buong katawan. Walang mapalagyan ang saya ko sa oras na ito. Kaya wala ako pakialam kung isipin na ng lahat na isa akong baliw basta hindi ko kayang itago ang kasiyahan na nararamdaman ko sa oras na ito. Dinaig ko pa yata ang nanalo ng milyon-milyon sa lotto sa sobrang galak ko na maging girlfriend si Erah.
Akala ko noon ay imposible ngunit hindi pala.
Umani rin ang aking pagpupursigi na mapalapit sa kanya...
"Hmmm la
