Patrick Cervantes
"Nervous?" ani ni CJ.
Nandito kami ni CJ sa labas ng simbahan nagpapahangin habang hinihintay ang oras ng kasal namin ni Athena.
Noong high school pa lang kami ni Athena nasa isip ko na, na siya ang ihaharap ko sa altar at ngayon nga mangyayari na. 'Yun nga lang, hindi dahil sa mahal namin ang isa't isa kaya kami magpapakasal kundi dahil sa isang kasunduan.
"Hindi, a. Ba't naman ako nenerbyosin, e, kasal lang naman 'to." Pero sa totoo lang kanina pa ako kinakabahan.
Paano kung hindi siya sisipot sa kasal namin?
Paano kung nagbago pala ang isip niya?
Ano na lang ang sasabihin ko sa mga bisita?
Hindi lang ako ang mapapahiya kundi buong pamilya namin.
"Kahit hindi mo sabihin halata sa mukha mo na kinakabahan ka. Ganyan din ako no'ng araw ng kasal namin ni Hera. Ang
