"Ma'am, Jada, nandito na po ang lahat ng labahan." Ibinaba ng kasambahay na si Jona ang bitbit nitong laundry basket sa ibabaw ng lamesa at tiningnan naman ang mga iyon ni Jada.
Pagdating kasi sa mga damit ng anak na si Justin ay siya talaga mismo ang naglalaba. Ang mga damit naman ni Jacob ay sinisiguro niyang maayos ang pagkakalaba. Noong nakaraan lang kasi ay aksidenteng nalagyan ni Jona ng clorox ang mamahaling polo ni Jacob. Kumupas ang kulay nito at ngayon nga ay hindi na magamit.
"Sige ako na ang magpapaikot ng mga ito sa washing. Ipagpatuloy mo na lang ang paglilinis," utos niya rito.
"Sige po, ma'am," tugon ng bente tres anyos na si Jona.
Binuhat ni Jada ang basket hanggang sa laundry room. Dalawa ang washing machine nila roon, ang isa ay ginagamit niya sa damit ni Justin an
