Naging masaya ang bonding nilang 'yon. Maliban sa pagkapaso ni Jollie ay wala namang ibang nangyari pa. Pansin niya na hindi umaalis si Tim sa tabi ni Jollie. Ito na rin ang gumawa ng ginagawa ni Jollie kanina.
Narinig niya ang sinabi nito kanina kay Jollie. "Just sit and stay here. Huwag na sanang matigas iyang ulo mo para malayo ka sa disgrasya."
Pareho pa silang natawa ulit ni Bea. This time malakas na ang tawa nila dahil hindi na nila napigilan pa ang kanilang mga sarili. Natigil lang din sila noong tapunan sila nang matalim na titig ni Timothy.
Nagalit yata.
Masaya na silang nagkukuwentuhan, halos mapuno ng kanilang ingay ang malawak na paligid na 'yon. Ang saya pa dahil may isa silang kaklase na magaling tumugtog ng gitara. Dala nito ang gitara na pagmamay-ari nito kaya tumutugto
