"Baka anong kalokohan naman ito Bea, ha." Natatawa siya na kinuha sa kamay nito ang bestida na binigay sa kanya.
Pagkatapos kasi ng panghapon nilang subject ay hinila na siya ni Bea sa comfort room. Pinilit siya nitong magbihis ng dala nitong damit.
"Ano naman 'to? Bakit ganito naman 'to kasosyal?" Sinipat niya ng mabuti ang damit. Kulay moose green na bestida na gawa sa mamahaling lace.
"Sige na, isuot mo na kasi 'yan." Sulsol ni Bea sa kanya. Parang ito pa ang mas excited na isuot niya ang damit.
"Saan ba kasi tayo pupunta, Bea? Naku, malamang na pinagkaisahan n'yo ako ni Tim, ha. Absent siya ngayon at masama ang kutob ko sa ginagawa mong ito." Natatawa pa rin siya kahit na may pagtataka sa isip niya.
"Basta nga. Isuot mo na nga 'yan, para makaalis na tayo." Taboy sa kanya ni Bea na
