Nakangiti siya habang na nakatingin sa sarili niyang repleksyon sa salamin sa loob ng kanyang silid. Suot niya ang isang bulaklakin na summer dress. Fitted ito sa katawan niya pero maluwang naman ang laylayan nito na hanggang kalahati ng mahahabang mga binti niya ang haba. Maliit lang din ang strap na nakakabit sa balikat niya kaya nakahantad ang maliit at makinis niyang braso.
Ipinusod din niya ang kanyang buhok gamit ang isang puting laso. naglagay din siya ng kulay pink na lip balm at nagsuot ng isang pares ng flat sandals. She looks like a sweet country girl.
Narinig niya ang sunud-sunod na pagbusina ng sasakyan sa labas ng kanilang bahay. Alam niyang sinusundo na siya nina Bea. Ngayong araw na 'to ng Linggo ay talagang matutuloy na ang kanilang barbecue party sa farm ng mga pinsan n
