"Have you seen anything funny?" Sabi ni Nathan sa dalawa. Pabagsak din nitong ibinaba ang hawak-hawak nito. Humakbang ito palapit kung saan ay nandoon nakatayo ang mga pinsan nito na hindi pa rin tumitigil sa pagtatawa. Marahas din nitong hinubad ang suot nitong apron at basta na lamang nito 'yon itinapon sa kung saang sulok ng bahay.
"Get lost!" Taboy nito sa dalawa na hinawakan ang pinto para isara 'yon, pero maagap na napigilan ni Apollo ang pagsara niyon.
"Bakit ka nagagalit? Wala naman kaming sinabi," natatawa pa rin nang sumagot si Joaquin. Hindi naman nagtagal ay nakita naman niya ang pagdating ni Dean at Tyler. Tanaw niya 'yon mula sa likuran nina Joaquin at Apollo.
Lihim na napamura ang isip niya. Kasi kapag kompleto ang mga ito ay alam na niya na sila ni Nathan ang maging se
