Maxine Avila’s POV
“… Because someone loves you.”
Hindi ako nakapagsalita sa narinig. Bakit parang may ibang meaning ang sinabi nito?
Sobrang bigat na nga ng paghinga ko ay ngayon ay pinigil ko pa. Nakakatunaw na ang titig ni Sir Enzo sa akin na parang kinakabisado ang lahat ng parte ng mukha ko. At ako naman ay hindi ko maalis ang tingin nito sa akin. Parang na-magneto na ang mata ko.
Ilang segundo pa yata ang lumipas nang biglang nagpakawala ako ng malalim na hininga. Nauubusan na pala ako ng hangin dahil sa pagpigil ng paghinga ko.
Sa mas tuminding kaba ko ay bigla kong iniwas ang tingin kay Sir Enzo. Naghabol pa ako ng hininga na hindi ko maintindihan. Ang bilis ng heartbeat ko.
Ilang sandali pa ay bigla kong naramdaman na hinawakan ni Sir Enzo ang kamay ko. Parang buong katawan
