Maxine Avila’s POV
“Pakakalmahin?”
Parang imbes na kumalma ay lalong naghurementado ang puso ko sa kaba nang marinig iyon kay Sir Enzo. Hanggang sa maglakad na ito at dahil natakot akong mahuhulog ay napakapit ako sa may leeg nito. Parang napaso pa ang kamay ko sa ginawa kong iyon.
“Sir Enzo, kaya ko na pong maglakad.” Nanghihina pa na sabi ko pero parang walang narinig si sir at nagpatuloy sa paglakad.
Hindi sa akin nakatingin si Sir Enzo kaya nagawa ko pa itong tingnan at nakita ko ang galit sa mukha nito. Pero nang akmang titingin ito sa akin ay agad kong binaling ang tingin sa dinadaanan namin.
Kung kanina na pinagsasamantalahan ako ni Marco ay kaba na dahil sa takot ang nararamdaman ko, ngayon ay hindi ko na maipaliwanag pa kung ano ang nararamdaman ko.
Sobrang lakas lalo ng t*
