Maxine Avila’s POV
“Kids, let’s eat our breakfast muna.”
Naudlot ang pag-idlip ko sana nang marinig ang sinabi ni Enzo. Hindi ko alam kung ilang oras na ang naitakbo namin. Nang pagdilat ko nang mata ay napansin ko na nagpa-park na ito sa isang restaurant. So, stop-over muna kami para sa breakfast para mamaya ay tuloy tuloy na at wala pang lunch ay nasa Zambales na kami.
Tumingin ako sa rearview mirror at biglang nag-init ang pisngi ko nang magtama ang tingin namin ni Sir Enzo. Huling huli ko ang mata nito na nakatingin sa akin ng malagkit. Agad ko na lang na iniwas ang tingin sa salamin.
Napahigpit na lang tuloy ang yakap ng isa kong braso kay Layla na kulang na lang ay isiksik ang ulo sa may kilikili ko. Hinimas ko ang buhok ni Layla sabay mahinang tapik sa braso nito para gisingin
