Maxine Avila’s POV
“At may gana pa talaga na magtanong itong si Sir Enzo?”
Kung makatanong ito ay parang walang nangyari sa pagitan namin kanina.
“May pupuntahan lang po ako.” Sambit ko na agad na iniwas ang tingin sa lalaking kumunot na ang noo.
“Nang ganitong oras ng gabi, Maxine?”
May dalang kilabot sa akin ang pagkakabanggit nito ng pangalan ko. Sabagay ay laging ganoon naman ang epekto ni Sir Enzo sa akin. Boses pa lang ay tinatayuan na ako ng balahibo.
“Opo.” Tipid na sagot ko. Pero nakayuko na ako dahil hindi ko na kayang makipag-titigan sa lalaki. ‘Yung titig pa nito ay parang tumatagos sa kaluluwa ko.
“Noemie, iwan mo muna kami ni Maxine.” Narinig kong utos ni Sir Enzo na nagpa-angat ng tingin ko.
Binaling ko ang tingin kay Noemie na may pagtataka sa tingin nito kay Sir E
