Rhian's POV
"Okay ka lang... Rhian?" Nagulat ako nang biglang magsalita si Steffi. Hindi ko namalayang nakatulala na pala ako at nasa likuran ko na siya. "U-Umiiyak ka ba?"
Umiiyak?
Napadampi ako sa aking pisngi at napagtanto ko ngang may luha sa aking pisngi. Dali-dali ko itong pinunasan ng tisyu at umiling. "W-Wala lang ito! A-Ayos lang ako."
Pilit kong tinatanggi kay Steffi, hindi ko kasi kayang ikwento sa kaniya ang tungkol kay ate Via. Mataas ang pagtingala ni Steffi sa ate ko at ewan ko kung maniniwala siyang ito... ang babae ni Lester.
"Si Lester na naman ba?" buntong-hininga niya. Nilapag niya ang folder na hawak niya at tumabi sa akin. "Hindi ba sabi ko sayo... tama na? Huwag ka ng umasa sa kaniya."
Tumangu-tango ako, "Oo, alam ko. K-Kaya nga... tinawagan ko siya kanina at..
