Kanina pa ako tingin nang tingin sa gawi ni Liam na nakaupo sa couch at nakahalukipkip. Nakasandal ang ulo n’ya sa headrest at saka nakapikit.
Hindi ko alam kung tulog na s’ya dahil kanina pa laro nang laro si Selene pagkatapos makipag-usap kay Daddy sa phone at ayaw pa ring magpahatid sa kwarto nila o kaya ay matulog man lang! Hindi tuloy makauwi si Liam dahil panigurado ay idadaldal ni Selene na umuwi s’ya at hindi dito natulog!
Muntik pa akong mapatili sa gulat nang may mabasag na kung ano kaya napatayo ako at agad na pinuntahan si Selene na nakatunganga sa tapat ng curio glass cabinet na mukhang binuksan n’ya talaga kaya may nabasag na items mula doon!
“Selene!” inis na bulalas ko at agad na napatingin sa dalawang miniature figurine kitten at isang antique dynasty jar na nabasag at
