“Ma’am!”
Gulat na napakurap pa ako dahil sa biglaang pagtatawag ni Mitchy sa akin. Sa dami ng paperworks na tinapos ko ngayong araw ay parang automatic tuloy na nag-break ang utak ko kaya hindi ko namalayan ang pagpasok ni Mitchy sa opisina at ang pagtawag sa akin.
“Oh?” kunot ang noong tanong ko nang makabawi. Umayos ako ng upo at saka inayos ang mga papers na nagkalat sa ibabaw ng table ko. Lahat ‘yon ay tapos na at pwede na akong umuwi para sa araw na ito. Lumapit si Mitchy sa akin at saka kunot ang noong tinitigan ang mukha ko. “Bakit?” tanong ko nang makita ang labis na pagtataka sa mukha n’ya. Kababalik n’ya lang kahapon galing sa seminar na dapat sana ay aattendan ko pero s’ya ang pinapunta ko dahil ayaw kong magtagumpay si Daddy sa paggawa ng paraan para magkalapit kami ni Noah.
