Malakas na tunog ng phone ang nagpagising sa akin kinabukasan. Kunot ang noong dumilat ako at kinusot ang mga mata. Masakit na masakit ang buong katawan ko at ramdam na ramdam ko ‘yon ngayong kakagising ko lang at mukhang hindi pa kumpleto ang tulog dahil hating-gabi na yata kami natulog ni Liam!
Mas lalong kumunot ang noo ko nang patuloy pa rin sa pagtunog ang phone na nasa gilid ng kama. Alam kong hindi sa akin ‘yon dahil hindi ako pamilyar sa ringtone at hindi rin ako naglalagay ng ringtone kundi puro vibration lang.
Nang hindi pa rin tumigil ang kung sinong sumusubok na tumawag kay Liam ay kunot ang noo na nilingon ko ang phone n’ya para silipin ang kung sinong tumatawag pero agad na natigil nang marinig ang sunod-sunod na mura ni Liam na mukhang kakalabas lang sa shower room dahil m
