Nakahanda na ang mga pagkain sa hapag nang makarating kami sa dining area. Nakikita kong panay ang sulyap ng mga sister-in-law ko sa gawi namin lalong-lalo na kay Liam na pinauna na ako sa pag-upo dahil tumunog ang phone n’ya para sa isang tawag. Nagtatanong ang tingin na tiningala ko s’ya kaya yumuko s’ya at inilapit ang bibig sa tapat ng tenga ko para bumulong.
Medyo nabigla pa ako sa biglaang paglapit ng mukha n’ya kaya agad na napalingon ako at muntik ng sumayad ang mga labi ko sa mga labi n’ya kaya saglit na natigilan din s’ya at kumunot ang noo bago ipinagpatuloy ang gagawin sana na pagbulong sa akin.
“Sven is calling me. I totally forgot about our supposed hangout tonight,” bulong n’ya at bahagyang inilayo ang mukha sa akin.
“Okay lang ba na hindi ka makakasama sa kanila ngayon?”
