Kinabukasan ay tanghali na akong nagising at sobrang tahimik na ng unit ni Liam kaya alam kong wala na s’ya at panigurado ay pumasok na sa opisina.
Mabilis ang kilos na tinungo ko ang banyo nang makitang malapit ng mag-alas nuebe ng umaga! Ngayon ang alis ni Mitchy para sa seminar na sinet ni Daddy kaya dapat ay nasa opisina na ako!
Sa pagmamadali ay hindi ko na pinagkaabalahang ayusin ang mga gamit ko at nagpasyang babalik na lang dito mamaya para kuhanin ang mga gamit ko.
Nagtatanong ang tingin ng mga trainee na sina Belyn at Christine sa akin nang nagmamadaling pumasok ako sa opisina ko sa Axis.
“Good morning!” alanganing bati ko sa kanila at umaasang maaabutan ko pa si Mitchy sa opisina. “Si Mitchy?” tanong ko kaagad. Nagkatinginan silang dalawa bago parehong hindi na nakapagsalita
