Kinabukasan ay sinadya kong magpa-late sa pagbaba kahit na maaga pa lang ay dinig na dinig ko na ang pagkakagulo ng mga tao sa ibaba dahil sa magaganap na party ni Governor mamayang gabi.
Nakaligo na ako nang maisipan kong mag-check ng phone. May isang bar na signal at may ilang missed calls at text messages akong natanggap. Inisip ko pa kung kailan pumasok ang mga ‘yon dahil kagabi ay wala naman akong narinig na tumunog. O baka sadyang masarap lang ang tulog ko dahil sa sobrang kilig kay Liam!
Pabalik-balik sa isip ko ang ginawa n’yang paninitig sa mga labi ko kaya pakiramdam ko ay mababaliw ako sa sobrang kilig kagabi! Sinabayan pa ng panunukso ni Mrs. Russel sa amin!
Pinulot ko ang phone ko at saka lumapit sa tapat ng bintana para makasagap ng mas maayos na signal. Nakita kong puro p
