Chapter 19
Tinuloy ko lang ang buhay ko. Kahit sa totoo lang ay nahihirapan ako ay wala akong choice kung hindi ang ituloy ang lahat sa akin. May mga kapatid ako na umaasa pa sa akin kaya hindi ako pwedeng panghinaan ng loob dahil masasayang lang ang lahat kung sakali man. Pinag-igi ko ang trabaho ko para makaipon ako. Konting tiis na lang naman at tapos na si Liezel, makakatulong ko na siya para sa pagpapa-aral kay Lorenzo sa kolehiyo. Pinangako ko noon sa mga puntod ng mga magulang ko na itaguyod ko ang kinabukasan ng mga kapatid ko kahit sa paanong paraan at hinding-hindi ako titigil hanggang hindi sila nakapagtapos.
Marami ng dumating na pagsubok sa amin at ang naranasan ko ngayon ay maliit na problema lang kung ikukumpara sa mga pinagdaanan ko na noon. Yun nga lang iba ang problema
