“Shen, ano pang hinihintay mo, sumakay ka na dali.”
Para naman akong natauhan na agad na napatikhim at mabilis na umangkas sa jet ski ng kaibigan kong si Austin.
Pero pagkaangkas ko ay agad nitong kinuha ang dalawa kong braso at pinayakap sa kanyang baywang. Halos magkasabay naman napatikhim ang mga kaibigan ni Axle, kaya sandaling napabaling ang tingin ni Austin dito. Hanggang sa magsalita ang kanyang pinsan na si Cullen.
“Aus, sama kayo ng friend mo makipag-race sa amin.”
“No, thanks. Kayo na lang muna, bro,” magalang na pagtanggi ni Austin sa pinsan at akmang paaandarin na ang jet ski nang may biglang sumabat.
“Baka naman takot ka lang matalo kaya ayaw mo?”
Napabaling bigla ang tingin ko kay Axle na ngayon ay nakasakay na rin sa isang jet ski at angkas naman si Yael sa likuran ni
