Mattea's POV
Nakapalumbaba ako ngayon dito sa mesa ni Ena habang nakatulala sa computer screen niya. Tapos na ang trabaho ko ngayon at hinihintay ko na lang si Mr. Gutierrez na bumalik sa kompanya kasama si Elson dahil may panibagong potential investor na naman silang pinuntahan.
Nagpaiwan ako rito dahil nga mas gusto kong tapusin na lang ang trabaho ko sa araw na 'to.
Hindi ko naman inaakalang magtatagal pala sila ng ganito, nakakabagot na tuloy dito.
Tulad ng kanyang tatlong araw na ang nakakalipas, hindi namin hinayaang mapasama sa trabaho ang personal naming mga issue.
Isang panibagong pagbuntong-hininga na naman ang ginawa ko dahilan upang mapatingin na ng deretso sa akin si Ena matapos niyang isinubo ang pagkaing binili ni Elson sa kanya kanina.
Ah, nakalimutan ko nga palang
