Mattea's POV
Wow! Ang ganda naman dito sa taas!
Hindi ko maiwasang ilapat ang aking dalawang kamay sa bintana ng helicopter ni Mr. Gutierrez habang taimtim na nakatingin sa baba. Ang laki-laki pala ng Maynila noh?
"Get your hands off the window and sit properly." Awtomatiko kong binawi ang dalawa kong kamay atsaka umayos ng upo sa tabi ni Mr. Gutierrez.
Nakakatakot naman! Magagawa kong mag-enjoy pero dapat hindi ako masyadong malikot dahil baka makagawa ako ng mga bagay-bagay na hindi niya gusto.
Muli kong inalala ang mga payo ni Sir Guinido sa akin kanina kung gusto kong magtagal sa trabahong 'to.
Hindi na muli pang nagsalita si Mr. Gutierrez hanggang sa lumapag kami sa isang building. Hindi na rin ako nagbalak pang magsalita ulit at sinunod lang ito kung saan siya magpunta na tila
