Mattea's POV
"Bitawan niyo ako!" Sigaw ko habang hinihila ako ng dalawang lalake papalabas ng yate. Mga armado sila at malalakas, si Trevor naman ay naunang naglakad sa aming dalawa.
Halos umangat na sa ere ang aking mga paa at sumasakit na rin ang aking magkabilang braso dahil sa higpit ng pagkakahawak ng mga tauhan niya, na tila ba gustong pigain ang aking mga buto.
Matapos niya akong patulogin kagabi gamit ang isa na namang gamot, hindi ko na alam kung saang lupalop ng mundo niya na naman ako dinala ngayon.
Pero nang makita ko ang isang isla sa labas, imbes na mamangha sa ganda nito, mas lalo akong natakot.
Hindi naman siguro nila pinaplano na itapon ako rito ng walang-wala, hindi ba?
"Your lover was hella faster than I've thought." Napatingin ako kay Trevor nang magsalita it
