Natapos ang buong maghapon na patuloy ang hindi pagkibo ni Blessy sa bilyonaryong binata. Hanggang sa nakauwi na sila Vaun at Blessy ng hindi nagpapansinan. Buong byahe ay tahimik lang si Blessy habang nakatingin sa labas, si Vaun naman ay panay ang sulyap sa dalaga. Gumagana rin kaya ang “Glory be” rito? Napapailing nalang si Vaun habang nakasunod nang tingin sa likod ng nagtatampong madre. Bakit dati kahit gumawa ako ng kasalanan wala naman akong paki? Ngayong hindi ko naman mali ang nangyari parang kailangan ko pang matapos ang dasal na gamit ang rosaryo? Napa-sign of the cross nalang ang binata at napabuntong- hininga.
Napakasama ng ugali niya. Humahalik siya ng iba’t ibang babae. Anong akala niya sakin, free taste? Binagsak ni Blessy ang pintuan at tsaka pabagsak na humiga sa kama.
