WALANG patumangga ang sumunod na naging pananalasa ni Jake sa kanya. Hindi alam ni Monica kung ginawa iyon ng kanyang nobyo dahil sinabi nitong gusto nitong marinig siyang sumisigaw. Pero sa huli ay ganoon na nga ang nangyari.
Itinawid siya ni Jake sa liwanag. Pero sa pagkakataong ito ay kasama na siya ng binata.
Ilang sandali rin siyang hinayaan ni Jake na manatili sa ibabaw nito habang mahigpit nitong yakap.
May palagay pa nga si Monica na parang wala sa plano ng kanyang nobyo ang pakawalan siya dahil sa gawi ng pagkakayapos nito sa kanya.
“Nakakapagod,” iyon ang agad niyang nai-komento nang mahiga siya sa tabi ni Jake.
Tumawa ng mahina ang lalaki saka siya siniil ng halik sa mga labi. “Engage na tayo,” pagpapaalala pa nito.
Sa narinig ay agad na kinilig si Monica. Sa pagkakatao
