“MABUTI kung ganoon, kasi nga naman love na love ka niya, kaya hindi malayong maintindihan niya ang lahat sa iyo. Lalo na ang sitwasyon mo,” ang kinikilig na sagot sa kanya ni Myla.
Humaplos sa puso ni Monica ang sinabing iyon ng kaibigan niya. At nang manatili siyang tahimik ay noon muling nagsalita si Myla.
“So ibig sabihin nito, secret lovers kayong dalawa?” anitong hindi nagbabago ang tono ng pananalita maging ang kilig na nasa tinig nito.
Nagkibit siya ng mga balikat. “Parang ganoon na nga,” aniya.
“Ang sweet ah! Alam mo naniniwala ako na ito na ang good karma mo kasi hindi naman talaga madali ang lahat ng pinagdaanan mo. At masaya akong si Jake iyon. Hindi ba napaka worth it niya? Nasulit ang lahat ng paghihintay mo!”
“Totoo, maswerte ako sa kanya. Kasi kahit hindi pa kami gano
