“NAPAGOD ka ba ng sobra?” tanong ni Jake sa kanya kinagabihan matapos silang kumain ng hapunan at nakapagligpit sila ng pinagkainan nila.
Umiling si Monica saka tinanggap ang tasa na iniaabot sa kanya ni Jake. Nasa kusina pa rin silang dalawa noon. Siya na kasi ang nag-prisintang maghugas ng mga plato dahil alam niyang pagod si Mang Kanor. Si Aling Nida naman ay nasa kabilang bahay at hindi na nakasabay sa kanila sa pagkain ng hapunan dahil nirarayuma daw si Tita Cecil at hindi nito maiwan.
Si Myla nang mga sandaling iyon ay nasa guest room kasama si Althea.
Nakiusap kasi sa kanya si Jake na kung pwede ay doon na sila magpalipas ng gabi lalo at pagod siya sa pagluluto. Wala naman siyang makitang masama doon dahil kasama naman niya si Myla kaya nagbigay siya.
“Ano ito?” takang tanong n
