Sabay-sabay na kumain ang mga magsasaka, masayang-masaya ito sa dalang sinigang ni Katie, gayundin si Primo na hindi maalis ang paningin sa dalaga. Naka-kamay siya habang kaharap si Katie.
Paminsan-minsang nagku-krus ang mga mata nila, animo'y hinuhuli ni Primo ang bawat sipat ni Katie.
"Ang sarap ho ng ulam na dala ninyo, señorita." Anang isang magsasaka na maganang kumakain.
"Opo, salamat po, señorita!" dagdag pa ng isa.
"Maraming salamat po, masaya akong nagustuhan ninyo ang luto ko," saad pa ni Katie na iniiwasan ang mata ni Primo.
"Señorita, siguro'y mauna na ho ako, kasi'y mag-aasikaso pa ako para mamaya." Ani manang Anda na naunang tumayo. Katabi nito si Kulas na naghihintay lang.
"Pero, hindi pa ho sila tapos.." sabi pa ni Katie.
"Sige manang, mauna na ho kayo, ako na
