Lai/Vera's POV
Mula ng makita kong muli si George ay hindi na siya mawala sa isipan ko, hindi ko alam kung may asawa na siya pero sigurado ako na may anak na sila ni Courtney.
Nuong sumama ako sa aking tunay na mga magulang ay kinausap ko sila Kuya Brent at Karl na kung sakaling pupuntahan sila ni George ay sabihing hindi ko siya mahal at ginamit ko lamang siya para magkapera upang kamuhian niya ako at pakasalan niya ang babaeng ina ng kanyang magiging anak. Kahit masakit sa akin ay ginawa ko 'yon upang hindi ko masira ang pamilyang binubuo niya nuon bago pa man ako dumating sa buhay niya.
"Sweetheart, iniisip mo na naman ba siya?" tanong ng aking ina habang nilalapitan niya ako dito sa garden. Ngumiti ako sa kanya at umiling ako.
"Hindi po, nakalimutan ko na po siya." ani ko. Malungko
