George's POV
Mahigit dalawang linggo na kaming naghahanap at hanggang ngayon ay hindi pa rin namin nahahanap si Lai. Apat na araw na lang, kumalat na din sa balita at social media ang magaganap na pag-iisang dibdib ni Vera Madden Ripley at ni Blake Sandoval. May petsa at oras pero walang nakalagay na lokasyon kung saan at alam kong sinadya ito ng ama ni Lai. May mga nagsasabi na sa Japan, France, Italy at Thailand ang maaaring lokasyon kung saan gaganapin ang Ripley and Sandoval Nuptial. Para na akong mababaliw, hindi ko na alam ang gagawin ko pakiramdam ko ay masisiraan na talaga ako ng ulo.
"Pupunta tayo ng Thailand, ito na yata ang huling lugar na pwede nating puntahan at kung hindi pa rin natin sila mahahanap ay uuwi ako ng Pilipinas na talunan." wika ko at hindi ko na napigilan pa a
