Elizabeth Cruz's POV
Suot ang bagong bestidang nabili ko sa ukay sa murang halaga ay nagpaikot-ikot ako sa maliit naming kwarto ni Skye na may nakakapunit-labing ngiti. Mayroon kasi kaming date mamaya pagkatapos ng aming graduation at gusto kong magmukhang maganda kapag kasama niya at hindi mukhang basahan. Isa pa, gusto ko rin na kahit na papaano ay magmukhang presentable sa araw ng graduation namin sa high school. Kahit pa ako lamang ang mag-isang aakyat.
Excited ako sa date namin at ang makasama lang din talaga ang aking nobyo. Tunay ngang ibayong saya ang iyong mararamdaman kapag ikaw ay nagmamahal at ikaw ay minamahal. Pakiramdam ko kapag kasama ko siya ay isa akong anghel na may pakpak at lumilipad sa ere. Itinuturing din niya akong parang isang prinsesang kaniyang nakahandang pag
