Elizabeth Cruz's POV
Ilang sandali siyang natigilan at nakatitig lang sa akin habang ako ay kumakabog ang dibdib na hinihintay siyang sumagot. Noong una ko siyang sinagot ay halos magtatalon siya sa buong eskwelahan na parang bata at ilang beses akong niyakap at tinanong kung hindi ba siya nananaginip.
Ilang sandali pa ay bumaba siya at tumayo sa harap ko. Hindi ko sigurado kung ano ang emosyong nakikita ko sa mukha niya sa mga sandaling ito.
Nang hawakan niya ako sa pisngi ay buong pagtitiwala kong inihilig at bahagyang ikiniskis ang pisngi ko sa kamay niya. Natagpuan ko ang sarili kong hinahawakan ang kamay niya at hinahaplos din ito habang nakatingin sa kaniya.
"Tayo na ulit?"
Isang pagtango ang isinagot ko sa kaniya habang nakangiti.
"Ako ang sinasagot mo at hindi siya?" pan
