Elizabeth Cruz's POV
"Ang ganda!" bulalas ko nang dumating kami sa beach resort ng mga Villatierra.
Pulos kulay blue at white ang makikita mong kulay sa paligid na angkop sa nabanggit ni Godric na Greece inspired ang kanilang resort. May mayayabong na puno sa may gilid at talaga namang malamig sa mata ang tanawin.
Sinamyo ko ang amoy ng dagat at napangiti. Kailan ba ang huling araw na nakapunta ako sa beach? Hindi ko na rin matandaan pa. Nahiling kong bigla na sana ay kasama ko si Skye, ngunit ayaw namang sumama ng aking kapatid dahil na rin sa aking nobyo.
Napakaliit naman talaga ng mundo na kaming dalawa ay nagkagusto sa iisang lalaki. Nagpapasalamat na lang ako na hindi naging sanhi ng away o inggit na nalaman niya ang totoo sa amin ni Godric. Ang totoo niyan ay hindi ko pa rin n
