Kabanata 62
GABING –GABI nang makauwi si Homer sa mansyon. Hindi na siya dumiritso pa sa bahay nila sa likuran ng hascienda dahil alam nuyang tulog na ang kanyang mga magulang. Ayaw niyang makaabala sa mga ito lalo pa’t mahimbing na ang tulog ng mga ito sa ganitong oras.
Isang katok pa lamang niya sa pinto ng mansyon ay bumukas na ito. Ang buong akala niya ay isang kasamabahay lang ng mansyon ang bumukas sa pinto. Iyon pala ay si Veronica. Nagulat siya sa presensya ng kapatid ngunit natuwa siya nang makita ito.
“Bakit hindi mo sinabi sa akin na uuwi kayo? Ang mga pamangkin ko?” sunod niyang tanong kay Veronica.
“Tulog na sila, ando’n si Steffan nagtitimpla ng gatas para sa aming dalawa dahil matutulog na rin kami maya-maya. Sinabi kasi sa akin ni Lola Veron na umuwi ka sa oras na ito
