Kabanata 53
DAMANG-DAMA ni Althea ang kaba sa kanyang didib nang matanaw niya ang malaking gate ng mansyon. Matagal na niya itong hindi nasilayan ngunit wala pa ring pagbabago roon. Si Lucas at Renier ay hindi nagpapaawat sa kadaldalan ng mga ito. Unang beses daw nilang makapunta sa mansyon ng mga Montecilio kaya sobrang excited ng mga ito. Nagmistulang fan boys ang kanyang dalawang kapatid kung gaano kaganda ang mansyon ng mga Montecilio.
“Here it comes,” ani Lucas nang na sa harap na sila ng malaking gate.
Mayroong lumapit sa kanilang gwardiya at tinanong sila kung ano ang kanilang sadya sa mansyon.
“Gusto ko lang po na makausap si Homer, ako po si Althea.” Siya na ang sumagot sa guard.
“Ahh, pasok po kayo Ma’am, hinabilin sa akin ni Senorito Douglas na darating kaya ngayon. Nando
