Kabanata 42
HINDI matawaran ang saya na naramdaman ni Althea kasama ang mga kapatid sa ama habang kumakain sila. Hindi pa bumalik ang ina ng mga ito. At alam niya kung ano ang maaaring dahilan niyon. Malamang dahil iyon sa pagdating niya at maging miyembro ng pamilya nito. Pero wala naman siyang balak talagang guluhin ang mga ito. Gusto niya lang makipagkilala. At wala ding pakialam sa Althea sa yaman na mayroon ang kanyang ama. Ayaw niyang makipaghatian at ayaw niyang mang-agaw. Sapat na sa kanya ang pera na mayroon siya ngayon.
Nasa kalagitnaan sila ng kanilang pagtatawanan nang dumating ang rayna ng pamamahay ng kanyang ama. Natahimik ang lahat at kaagad rin naman iniyaya ito ni Kelvin na makisalo sa kanila.
“Pasensya na kayo at matagal bago pa ako nakabalik. Napasarap ang usapan nam
