Kabanata 23
NANG matapos sila sa kanilang pagkain ay si Althea na ang nagbuluntaryo na maghugas ng pinggan at maglinis ng kusina. Hindi niya alam na may dala na palang mga gamit si Homer at sa banyo na ng kanyang kwarto ito naligo.
“Ate,” tawag ni Brandon sa kanya nang matapos itong magsipilyo. “Okay lang po ba na maliligo ako ng pool mamaya?”
“Oo naman basta huwag sa malalim na parti ng pool, okay? Hindi ka marunong lumangoy.”
“Pero sinabi ni Kuya Homer ay sa malalim kami maliligo pero hahawakan niya raw ako para hindi ako malunod,” madaldal na wika ni Brandon.
“Gagawin niya ‘yon?”
Tumango si Brandon, “iyon ang sabi ni Kuya Homer sa akin.”
“Basta mag-ingat ka at huwag makulit kapag nasa pool na kayo, okay?”
“Thank you ate.” Lumapit sa kanya si Brandon at yumakap.
Dahil handa na
