Kabanata 37
LUMIPAS ang dalawang oras at inasahan na ni Althea na ihahatid na sa bahay ang bangkay ng kapatid. Hindi siya iniwan ni Miya at kasama niya ito sa pag-aasikaso. Tatawagan na sana ni Althea ang lolo’t-lola ni Brandon nang bigla nalang dumating ang mga ito.
“At talagang wala kang plano na sabihin sa amin na patay na ang aming apo?” galit at namumulang sinugod siya ng matandang babae. Ngunit mabilis na kumilos si Miya at napigilan niya ang matandang babae.
“Huwag na huwag kang gagawa ng iskandalo sa bahay na ito! Irespeto mo ang lamay ng inyong apo!” galit na sigaw ni Miya sa dalawa.
“At sino ka namang babae ka para makialam rito? Ha?”
“Hindi mo na kailangang alamin kung sino ako gaga kang matanda ka. Matagal ko nang alam na isa kang bruhang mangkukulam.”
“The hell are you!”
