JASLEAH MARIE SANCHEZ POINT OF VIEW
HINIHINTAY namin si Edison sa labas ng kaniyang condo unit. Doon sana kami tutuloy dahil nga napalayas kami sa bahay namin pero may problema. Hindi tuloy kami makapasok at nasa lounge kaming lahat. "Saan na tayo titira ngayon ate?" tanong ni Jam sa akin.
Napatingin ako kay Mama, "Tumawag ako sa kapitbahay natin dati. Sabi niya pwede pa nating rentahan ulit 'yung bahay natin dati. Kung 'di tayo makapasok ito i-suggest mo na lang kay Edison na bumalik na lang tayo sa dati nating bahay." Sabi naman ni Mama sa akin.
"Opo Ma, salamat ha? Pasensya na at nagkaroon pa ng ganitong problema."
"Huwag ka sa akin humingi ng pasensya. Tayo e sanay na tayo sa hirap e' 'yang asaw-- este jowa mo. Mahirap 'to sa kaniya kung sakaling talagang iniipit siya ng tatay niya
