CHAPTER 19
TITIG na titig si Viel sa mukha ng babaeng himbing pa ring natutulog sa ibabaw ng kaniyang kama. Nakahinga siya nang maluwag nang bumaba na ang lagnat nito.
Napuyat man siya sa pagbabantay sa di kilalang babae dahil sa sobrang taas ng lagnat nito kagabi, hindi pa rin niya ininda ang antok at pagod. Kahit na parang twenty-four hours na siyang walang pahinga.
Paano nga ba siya makararamdam ng pagod at antok kung ganito kaganda ang kaniyang pasyente? Kahapon ay ginabi na siya sa kaniyang clinic dahil sa dami ng inasikaso. Tila may puwersang humatak sa kaniya para haplusin ang maganda, makinis, at maamong mukha nito.
Hindi pa ito nagigising simula nang mawalan ito ng malay nang matagpuan niya ito sa tabi ng kalsada kagabi. Bagama’t alam niyang nasa mabuti na itong kalagayan, na
