KINAHAPUNAN ay hindi alam ni Ruhk kung bakit sa mga oras na ‘yun ay nasa tapat siya ng kumpanya ni Liana, hindi niya alam kung bakit sa paglalakad niya ay doon dumako ang mga paa niya. Hindi niya alam kung bakit gusto niyang makita si Liana gayong masasabi niya sa kaniyang sarili, na magtataka ito sa itsura niya ngayon dahil ibang-iba siya sa unang pagkikita nila.
Nakaligo naman sa ilog kung saan siya nagpapalibas ng gabi sa tent niya, at bago siya iwan ng tatlong magkakapatid ay dinalhan siya ng mga ito ng damit na kakasya sa kaniya na hindi niya alam kung saan kinuha ng mga ito. Kahit papaano ay nakapagpalit siya ng damit, ang problema lang ni Ruhk butas ang ibabang parte ng pantalon niya at ang tshirt niyang gray na suot ay butas-butas din na wala siyang magagawa kundi magtiis na isuo
