Kabanata 13
Nakatingin ako ngayon sa napakagandang tanawin ng North Seaplains. Tanaw ko ang malalaki at maliliit na isla mula sa kinatatayuan ko at ang malawak at kulay asul na dagat. Pati na rin ang malaki at malalakas na hampas ng alon.
"Maganda ba?" tanong ni Gio.
Hindi kami binigo ng North Seaplains dahil sa sobrang ganda ng lugar. Nanaisin mo talagang manatili rito ng ilang araw o buwan kung gusto mo mag-isip ng malalim at ng tahimik na lugar.
"Oo naman. Sobrang ganda,’’ namamanghang sagot ko sa kanya. Kakarating lang namin ngayong umaga rito sa hotel. Sa North Hotel muna kami tumuloy at hindi roon sa bagong patayo na resort ng TC. Bukas na lang daw kami dadayo roon dahil napag-alaman namin na ngayon din daw darating ang kinuhang engineer at architect para sa resort. Hindi pa k
