TEN YEARS AGO...
"ANG ganda talaga ni Mia ano? Alam mo Erik ang swerte mo ganyan kaganda ang partner mo," si William iyon habang nagpapahinga sila sa ilalim ng puno ng Plumeria o mas kilala sa tawag na Kalachuchi.
"Nainggit ka na naman, bakit gwapo rin naman ako di ba?" ang tumatawang isinagot niya sa matalik na kaibigan.
Wala silang klase noon dahil naka-schedule ang practice nila para sa cotillion ng JS Prom na mangyayari na sa susunod na linggo.
"Sinabi ko bang hindi kayo bagay? Ang sabi ko lang maswerte ka, hindi maarte si Mia, maganda pa. Alam mo kung ako lang ang naging kasing gwapo mo liligawan ko talaga siya," nasa tono ni William ang kaseryosohan sa sinabi nito.
Mabilis na nagsalubong ang mga kilay ni Erik dahil sa kaniyang narinig.
"Tumahimik ka nga diyan, kilala kita at
